ای نسل
سیری ( م . علی اشمه لى )
جهنم أیلر ایكن بیڭ بتر رذيلتلر
جهانی ، جنت ایدر محتشم فضیلتلر
سعادت عصرنە باق ، غالب أيلەین سر نە ؟
او سری تام یاشاسەق ، طوش اولور جهالتلر
اونوتما ، وحی خدا ، گلشن ایتدی دورانی
بو رحمتیلە عزیز اولدی اونجە ملتلر
نە وار كە ، ذوق و صفا ، ایپ طاقینجە گردانە
حیاتی بوغدی همان توز دومان سفالتلر
بوگونكی تاریخی چوز ، صحیفەلر نەدن یاندی ؟
یتیم باشندە نیچون حرب ایدر وكالتلر ؟
قاووشدیرور می نجیب خلقی ، طوغری بر افقە
شو پردە پردە یالان اوینایان خیالتلر ؟
اویان ، حقیقتە دون ، ای توكزلەین یولجی
طوپارلە ، عرشە اولاش ، چلمەسين مذلتلر
بو بابدە حشرە قدر چارە ، دینمز اسلام
بیلیر بو عزتی هیچ صاپمایان عدالتلر
بویوك فضیلتی بیل ، ای نسل ، دییور سیری
پاریلداسین ابدی سندە شانلی خصلتلر
EY NESİL!
SEYRÎ (M. Ali EŞMELİ)
Şiire ulaşmak için tıklayınız.